شعر باللغة العصرية ...لازم تقراه

[ندعوك للتسجيل في المنتدى أو التعريف بنفسك لمعاينة هذه الصورة]

الجو إمبارح كان جميل والنسمة هاديــــــة ورقيقــة

قلت أخرج اشم الهـــوا واقعد على البحر كام دقيقــة

وشوية شويه إحمــرت الدنيا حـواليه زى الحريقـــة

بصيت يمــين وشمــال أعرف إيه الحكاية والحقيقـة
[ندعوك للتسجيل في المنتدى أو التعريف بنفسك لمعاينة هذه الصورة]
لقيت بنــات وشبـــاب رايحيــين جايين اتنين اتنيــن

اللـى فى إيــده شنطـه حــمرا واللى شــايل وردتيــن

واللى ناكـــش ف شعره واللــــــى ماسك دبدوبــــين

افتكرت الحصبة رجعت واللا الناس دول عيـــانيين
[ندعوك للتسجيل في المنتدى أو التعريف بنفسك لمعاينة هذه الصورة]
وياعينى على اللـى ما شى واقــع منه بنطــــــلونه

والتى شيرت بتاع أخته وفيه إعــــلان عن جنــونه

وياعينى على الحجاب ملــــــقاش عاقله تصــــونه

حمروه هو كمــــــان وغيروه وبدلوا مضمــــــونه
[ندعوك للتسجيل في المنتدى أو التعريف بنفسك لمعاينة هذه الصورة]
دب حزن جوه قلبى وســـألت يا شباب إيه الحكايه

بصوا لى من فوق لتحت قالوا نحكى من البدايـــه

اليوم ده عيد الحـــب ودى قصة ليها أحلى رواية

قديس حـــب وانتحر بس ما كانتش دى النهـــــاية
[ندعوك للتسجيل في المنتدى أو التعريف بنفسك لمعاينة هذه الصورة]
لقى وراه مسلمين يصــــــونوا الذكرى ويحييوها

لقى وراه موحدين عمـــــــرهم ما يقدروا ينسوها

كــــرموه وقــــــــدروه وطقوســـــه لازم يعملوها

ونســــيوا إنها بدعة لازم يبعدوا عنها ويسيبوها
[ندعوك للتسجيل في المنتدى أو التعريف بنفسك لمعاينة هذه الصورة]
أعيادنا معروفة يا مسلمين فيها العزة والكرامة

فيها الطهارة والنظافة والسعادة والســـــــــلامة

عيد بعد الصبر والصيام والنجاة من النــــــدامة

والأضحى فيه الفــــــــدا ولينا فيه درس وعلامة
[ندعوك للتسجيل في المنتدى أو التعريف بنفسك لمعاينة هذه الصورة]
ليه دايما بنــــــــحب نجرى ورا السراب والخيال

ونسيب كل حـــــــــــاجة فيها الخير وراحة البال

الحق واضـــــح بين إيديكم وبترمحوا ورا أطلال

الحب الحقيقى لله الأحــــــد ذو الكمـــال والإجلال
[ندعوك للتسجيل في المنتدى أو التعريف بنفسك لمعاينة هذه الصورة]
ليه تضيع حياتك فى التفاهة وتنسى يوم طويل

لا حينفع فيه ضحك ولا حينفع فيه بكـــا وعويل

ده يوم السعادة للمؤمن اللى صبر الصبر الجميل

على المكاره والشهوات وكان لله مسكين ذليـــل
[ندعوك للتسجيل في المنتدى أو التعريف بنفسك لمعاينة هذه الصورة]
الكل يا اخوانى رايح وزايل مهما طال بيه الزمن

وعمرك زى الشجرة اللى كل يوم يقع منها غصن

ابعدى أختى وابعد أخويا عن كل مصدر للفتــــــن

ابعد فى حياتك عن كل شرك وكسر كل وثــــــــن
[ندعوك للتسجيل في المنتدى أو التعريف بنفسك لمعاينة هذه الصورة]
حب فى الله أخوك وصاحبك وأختك وأمك وأبوك

هما دول اللى ينفـــــــعوك يوم القيامة وينجوك

لما ظل الرحمن يظلهم يوم الدين معاهم يخدوك

صدقنى حب المؤمنين غنيمه خليك مع اللى يحبوك
[ندعوك للتسجيل في المنتدى أو التعريف بنفسك لمعاينة هذه الصورة]
يارب اهدينى واهدى شبابنا لطريق الخير والهدايه

ابعد عنى وعنهم يارب كل طريق فيه شر أو غوايه

وابعد عنا كل شيطان من جن وإنس هلاكنا له غاية

حبب لنا الإيمان والتقوى وخلى الشهادة دى النهاية
[ندعوك للتسجيل في المنتدى أو التعريف بنفسك لمعاينة هذه الصورة]

تسلم يا برنس